The cardiac axis? please

[Dr.Ibrahim]

شباب احكولنا عن المحور القلبي the cardiac axis ?

[Dr - NEDAL]

حبيب ألبي هناك أكثر من طريقه وهناك إختلاف ولكن الطريقه اللي علمونا ياها وهي أسهل شي

إنو بتشوف lead اللي فيه isoelectric point بيكون axis عمودي عليه

على العموم مهما شرحتلك هون صعب

لازم تقرأ وتشوف تخطيط كتيير
بس بنصحك شوف هالرابط وفوت عالموقع اللي فيه وفوت عل ىcardiac axis
فيه شرح وفيه صوره بتحرك إنت المحاور وبيطلعلك فيها التخطيط
http://www.mda-sy.com/vb/showthread.php?t=3084 (http://www.mda-sy.com/vb/showthread.php?t=3084)

[Dr.BilaL]

السـلام عليكم

طيب غالي

المحور القلبي
بالبداية وبشكل عام للسهولة هو محصلة الفعالية الكهربائية للقلب
ومتل مابتعرف البطين الايسر أثخن من البطين الايمن لذللك الفعالية الكهربائية للبطين الايسر أكبر
بالاضافة للوضع التشريحي للقلب وبغض النظر عن الدورانات اللي رح احكيللك عنها بعد شوي
نظرياً
محور القلب ينحرف نحو الايسر
والرينج الطبيعي بين -30 درجة الى 110 وبعض المصادر بتقول بين 0 و 90 درجة

http://www.cvphysiology.com/Arrhythmias/A016_mean_electrical_axis.gif

اذا كان المحصلة تحت الـ -30 بيكون انحراف نحو اليسار .. والها عدة تشخيصات تفريقية استغلالاً لتسلسل الافكار رح اذكر بعضها
- فتحات بين البطينين
- ضمور اذينه يمنى
-احتشاء حجاب
-ضمور بطين ايمن

القاسم المشترك فيهن كهربائياً عم يصير نقصان بقوة الشعاع الكهربائي من الاجزاء القلبية السابقة عم يأدي الى
انحراف محصلة الفعالية القلبية وتغلب الايسر على الايمن لان التنبيه الكهربائي رح يكون اسرع ويرتسم على المخطط بشكل أكبر

وكل شي زاد عن ال 90 او 110
هو انحراف محور قلب نحو الايمن

اما زيادة الفاعلية الكهربائية للشعاع الايمن
او نقضان الفاعلية الكهربائية للشعاع الايسر
والتشخيص التفريقي :
ضخامات بالحجرات اليمنى
ضمورت في الحجرات اليسرى
حصارات :" تأخر زوال الاستقطاب في الجزء الواقع بعد الحصار " Block

http://knol.google.com/k/-/-/34ccbqzussf0f/kvmg29/axis5.jpg
منعتمد اكثر شي بتحديد المحور على المسرى الاول و المسرى
F
ولحتى نحدد بدقة اكثر باي ربع مجود محور القلب منحتاج المسرى الثالث
رح تقلي كيف ؟
بدك تحط ببالك
انو تحديد المحور مرتبط ارتباط وثيق مع زوال الاستقطاب
طبيعيا
موجة Q
تمثل زوال استقطاب الحجاب بين البطينين
وموجةR
تمثل زوال الاستقطاب من جدار البطين الايسر
" كتلته أكبر
وفرع هس الايسر اكبر يزال استقطابه اولا
Sموجة
زوال الاستقطاب من البطين الأيمن

حلو الكلام ؟
طيب منجي
مناخذ المسرى واحد
منعمل المجموع الجبري لـ
Q , R , S
بتعد المربعات من الخط القاعدي الى اعلى نقطة في موجة
R
ومن الخط القاعدي الى اخفض نقطة في كل من
Q ,S
مثلا :
R:+4
S:-7
Q=-3
المجموع : - 6 ^_^ مو شاطر بالحساب كثير
قاعدة سريعة اذا كان المجموع الجبري سالب في المسرى الأول فيك تقول انو محور القلب منحرف نحو الايمن

ونفس الامر بتعمله بالمسار F
والمسرى الثالث

وقاعدة سريعة : اذا كان المجموع الجبري لـ
QRS
في المسرى الثالث
سلبي فيك تقول المحور منحرف نحو اليسار
ماللك مصدق ؟

سوي اسقاط لكل مجموع حصلت عليه من المسرى الاول والثالث
وارسم خط عمودي على المحاور
رح يلتقي الخطين في نقطة
واللي هي رأس محور القلب
وبتحدد معك في اي ربع

وللتأكيد أكثر فيك تستعين بالمحور
F

صورة خفيفة لطيفة وعملية
http://allaboutim.webs.com/Simple%20Method%20-%20Cardiac%20Axis.jpg
امممممممم هذا هو المبدأ
في اختلافات ثانية بالنسبة لدورانات القلب الفيزيولوجية
اذا حبيت منحكي عنها

اتمنى كون قدرت وصل المعلومة صح

ان أصبت فمن الله وان اخطات فمن نفسي و الشيطان

بالتوفيق

[NMWH]

سؤال ممتاز وإجابات ممتازة:cool:

صورة المحور التي أشرتم إليها رائعة لاستيعاب كل ما يتعلق بالمحور مع أنها تؤكد فقط على طريقة الـisoelectric مع أخذ العمودي عليه...
http://en.ecgpedia.org/wiki/Heart_Axis

وصورة الكاميرات معبرة جدا فعندما نتخيل أن المساري هي كاميرات تنظر للقلب سيصبح أمرا ممتعا...

موضوع سابق بشكل عام عن قراءة التخطيط بمختلف النواحي:
http://www.mda-sy.com/vb/showthread.php?t=1603

المهم في موضوع المحور أنه يوجد طرق عديدة وكلما رأيت شخصا يقرأ التخطيط ستجده مرتاح لطريقة معينة ومتزمت لها.. ليس المهم الطريقة .. المهم فهم الفكرة.. فعندما تصل الفكرة تجد كل الطرق مؤدية إلى روما http://www.mda-sy.com/vb/images/icons/icon12.gif.... وأي استفسار جاهزين.........

وبالنسبة لموضوع إقامة دورة تخطيط فالأمر لازال قائما... ولكن هناك مشكلة في طريقة التسجيل إضافة لاقتراب رمضان .. ممكن أن نتكلم بالتفاصيل أكثر إذا رغبتم

[Dr.Ibrahim]

شكرا شباب اجابة كافيه ووافية
مشان دورة تخطيط القلب
احكولنا شو المشاكل
انشالله نقدر نساعد