موعــــــد النتـــــــــائج .. متى .. وهل لها نصيب هنا

[MasteR of dentistry]

مرحبـــــــــــا

اولا الف مبروك لجميع طلاب الجامعه السوريه الدوليه لاستكماال الامتحانات متمني للجميع وافر الحظ

والنجاح بأبهر الدرجات ومن لم يحالفه الحظ ان يجتهد حتى يحقق ما في باله ..

تحيه الى كادر واعضاء مدى كلهم

لدي استفسار عن موعد النتائج بالضبط وهل ستعلين على الموقع ؟؟

نتمنى الجواب من الادارة الكريمه ..

تحياتي الى الجميع

واسف للاطاله ..

[Dr.BilaL]

بسم الله الرحمن الرحيم

أهلا بك.....
أتمنى لك النجاح و التوفيق

بخصوص النتائج
حدد أخر موعد لانتهاء التصحيح يوم الاثنين القادم
وبعدها تتم استكمال الاجراءات لاعلان النتاائج

لم يحدد موعد لاعلانها
يرجح الدكتور نائب رئيس الجامعة اعلانها في السادس من شهر شباط ولكن لاشيء أكيد

بخصوص اعلانها في الموقع
لأااستطيع ان أعدكم باعلان كل نتائج الكليات على صفحات موقع مدى

احاول جهدي

دعواتكم بالتوفيق

[Dr:MahmouD]

السلام عليكم ورحمة الله وبركاته

انشالله يتم اصدار النتائج بأول اسبوع دوام وما يحرقولنا اعصابنا (متل العادة)

انشالله خير

[abdalrhim]

السلام عليكم
متى يكون نهاية العطلة و بداية الفصل الثاني

[NMWH]

بداية الفصل الثاني يوم السبت 13/2/2010

بالتوفيق

[MasteR of dentistry]

مرحبا اعزائي

سمعنا اخبار من بعض الطلاب في الجامعه عن امكانيه صدور النتائج يوم السبت المقبل ان شاء الله

ومن المرجع تجري الان عمليه التدقيق ونقل الدرجات .. هذا ما سمعنا وليس مؤكدا

فرجاءا من لديه خبر عن صدور النتائج وامكانيه عرضها في الموقع فليعملنا داخل الموضوع

ولكم الشكرا الجزيل

تمنياتي للجميع بالنجاح ..

[هدوء نسبي]

الله اكبر على هيك وضع....
كل جامعات الدنيا بتنزل العلامات بنفس اليوم او بعدها بيوم!!!!
الا جامعتنا بعد 3 اسابيع لحتى تنزل وفي احتمال ما تنزل كمان ..
يعني بالله عليكم لايمتى رح تستمرهالمعاناة تبعنا ؟؟؟

[Dr.BilaL]

بسم الله الرحمن الرحيم

النتائج لن تعلن قبل يوم الأثنين القادم

أحاول جلب نتائج كليتي الطب و الأسنان بالدرجة الأولى و اعلانها في الموقع
يوم صدورها ان شاء الله

الى الأن لا شيء أكيد

دعواتكم بالتوفيق

تمنياتي للجميع بالنجاح و التفوق

[MasteR of dentistry]

دكتور بلال شاكرين حرصك الدائم على متابعه امور الجامعه .. وخصوصا النتائج .. ونقلها الى الموقع ..

شكرا جزيلا لك ولمدى متمنين للجميع بالنجاح ,, ولمدى بالتقدم الدائم ..

[Dr:MahmouD]

الله يقويك دكتور بلال ...
بس يا ريت لو حدا يقترح عالجامعة أنو النتائج تصير تطلع على شكل أرقام مو أحرف لأنو الأهل هون عم يلاقو صعوبة بفهم الأحرف وحتى رفقاتنا الطلاب من غير جامعات بدك تشرحلن شو يعني a\ b \ c......

[Dr.BilaL]

بسم الله الرحمن الرحيم

أهلا بك دكتور محمود
احاول ان شاء الله تضمين كل صفحة من صفحات النتائج برابط الى صورة
او جدول يفسر دلالات كل حرف

اتمنى لك النجاح و التفوق

[عمر]

ان شاء الله النجاح للجميع

[omar1jaguar]

السلام عليكم
اليوم هو السادس من شباط وكما وعدتنا يا دكتور بلال ننتظر النتائج على موقعنا الجميل
إن شاء الله ما تطول علينا

[MasteR of dentistry]

دكتور بلال ننتظر النتائج على احر من الجمر ... برجاءا اعلامنا بالموعد اذا امكن ..

[Dr.BilaL]

السلام عليكم

اهلا بكم زملائي

ان شاء الله غدا اذهب للجامعة

دعواتكم بالتيسير

تمنياتي الخالصة بالتوفيق والنجاح للجميع

[رزان]

عنجد يعطيكن العافية على الجهود يلي عم تبذلوها بس التأخير في عرض النتائج بيرجع لنظام الجامعة ويلي مسؤل عنها لانو بها الجامعة ما بهمون مصلحة الطالب ابدا والطالب اخر همون يعين نحنا بدنا 100سنة لحتى نصير متل الجامعات الباقية المحلية وليست خارج البلد لانو اذا بدنا نكون مثل الجامعات خارج البلد بدنا 2000سنة يعني بها الجامعة لانظام ولاتنظيم بس في شي حلو بها الجامعة انو المنهاج يلي عم ندرسو عالي والدكاترا قديرين بس ما في رفاهية وراحة للطالب يعني اذا الطالب ما تشرشح ونمسحت فيو الارض ما بقدر يحصل على يلي بدو ياه واتمنى تخبروني اذا نزلت العلامات بالجامعة او لا لأنو اكيد مو كل الكليات رح تنزل علاماتون متل السنة الماضية كلية الادارة ما نزلت علامات واكيد الحق على العمادةوعلى النظام الزفت يلي هالجامعة مو عارفة تعمل مو قع يخدم الطالب بكل شي بلس للامانة ما في غير نظام واحد بها الجامعة وهو جمع الاقساط

[الامل الخيال]

يسلمو على المجهود دكتور بلال
بس ممكن تعطينا طريقة الجصول على الدرجات من الموقع يعني عن طريق الاسم ولا الاي دي واذا الاسم بالانجليزي ولا العربي؟؟

[Bordy]

يسلمو د.بلال عم نستنى الدرجات وين صارو هلئ !؟

[omar1jaguar]

ما شاء الله صاحيين من بكير الشباب عم يستنوا درجاتون..
بعتقد أنو الدكتور بلال حالياً بالجامعة متل ما وعدنا وان شاء الله سيحضر النتائج ويعلنها اليوم..
شكراً على مجهودك، مع أنو يفترض أنو الجامعة من عندا بكل كلية تنزل النتائج على الموقع وقت انتهاءها والشغلة مو صعبة منوب... والله بجامعاتنا الحكومية بتنزل نتائج معظم المواد بنفس اليوم..
على كل حال موفقين وأتمنى للجميع النجاح والتفوق كمان..

[رزان]

اتمنى اليوم تنزل العلامات ونخلص من هالقصة واتمنى تنزل علامات كل الكليات

[dr_snow]

وين العلامات؟

شو ما في شي

[رزان]

طيب شكلو ما في علامات على كل حال عادي لانو بها الجامعة اذا ما تشرشحت ما بتاخد شي بفيدك

[MasteR of dentistry]

الله كريم ياشباب خلونا مستنين دكتور بلال ومعو الخبر ..

[رزان]

اي شو بدنا نضل طول حياتنا عم نستنا اي شو هو عم بجيب قنبلة زرية بس برجع وبقول الحق مو عليه الحق على نظام الجامعةوهونسخةعن جامعةدمشق ولا كمان جامعة دمشق فيها نظام اكثر

[Dr.BilaL]

بسم الله الرحمن الرحيم

زملائي الاعزاء
اليوم عرضت النتائج لكل الكليات على مجلس رئاسة الجامعة
ولم يقرر موعد اعلانها

باقي على تواصل مع العمادات في الجامعة
لا تقلقوا ان شاء الله أول مايصادق عليها سأحملها لكم على صفحات الموقع

تمنياتي الخالصة للجميع بالنجاح و التفوق

[رزان]

ههههههههههههههههه مادام العلامات عند رئيس الجامعة اي بدها شي شهر لحتى يتنازل ويطلع عليهاويوقع لانو بحسسك انو التوقيع اختراع

[رزان]

هسيناريو متل السيناريو السنة الماضية مافي شي جديد

[MasteR of dentistry]

يارب يصادق المجلس قريبا .. ننتظر بشدة .. شكرا دكتور بلال تعبناك

[Dr.BilaL]

السلام عليكم

جاءنا من مصدر موثوق *******:cool:
لن تعلن النتائج
حتى تنتهي كل من كليتي الادارة و الأسنان من عمليات

التدقيق

و الكيرفااااات
مابعرف هالخبر بيسر طلاب الأسنان ;)
بس مابعرف شو العلاقة بين الكليات بالنتائج !!
الله ورسوله و مجلس الجامعة اعلم :confused:

ملاحظة :: المجلس سيعقد يوم الثلاثاء للاسف !!

ملاحظة ثانية :: عند زيارة صفحة النتائج :: عليكم بالضغط على زر كنترول اف 5 لتحديث الصفحة
لانها تخزن في اجهزتكم على اخر زيارة

بالتوفيق للجميع ...

[MasteR of dentistry]

عزيزنا بلال يعني النتائج مابتعلن الا بعد يوم الثلاثاء صحيح ؟؟

[Dr - NEDAL]

يا شباب سمعت النتائج ما رح تعلن ليوم السبت
فلا تستعجلوا وبردوا أعصابكن
إيمتى بدو يصير عند كل واحد منا صفحة خاصة ورقم سري وعليها بتنزل نتائجو ؟؟؟؟؟؟؟؟؟؟؟
عيش يا كديش لينبت الحشيش

[horse]

النتائج كالعادة اكيد ما رح تطلع لنص الاسبوع الاول من الدوام بقا لا تنتظروا و لا تعذبوا حالكون اتهنوا باجازتكون

[MasteR of dentistry]

من يوم اللي عطلنا والله ماتهنينا لان عم نستنا النتائج .. يارب ناجحين ..

[Dr.noor]

يعني ع الاكيد ايمتى ؟؟

اي نطف قلبي العين تسفئون شو مبردين قلبون الله يخلصنا من هالجامعة بخير

يعني مو الاربعاء مشان نعرف راسنا من رجلنا بالدوام والله متحيرة ؟؟

سلاام

[رزان]

اوك استاذ بلال زي ما بدك وانا بعتذر اذا ازعجتك بس انت كمان عم بتفش خلقك بطريقة غير مباشرة لما قلت


(إيمتى بدو يصير عند كل واحد منا صفحة خاصة ورقم سري وعليها بتنزل نتائجو ؟؟؟؟؟؟؟؟؟؟؟
............ الخ

[Dr.BilaL]

اختي الكريمة رزان

الكلام في الرد السابق ...

ليس لي

للاخ نضال
!! لأاخذ العلم

[NMWH]

السلام عليكم ورحمة الله وبركاته
أتمنى للجميع التوفيق والنجاح
أود أن أذكرك آنسة رزان بما وافقت عليه عند تسجيلك بالمنتدى:



قوانين وشروط المنتدى
التسجيل في المنتدى مجاني! نحن نصر على إلتزامك بالقواعد والشروط والسياسات المفصلة أدناه. إذا وافقت على الشروط, الرجاء اضغط على مربع ' أوافق ' واضغط على زر 'التسجيل' أدناه. إذا اردت إلغاء التسجيل, اضغط هنا (http://www.mda-sy.com/vb/index.php) للعودة للصفحة الرئيسية للمنتديات.
إن مشرفي وإداريي الأكاديمية الطبية السورية بالرغم من محاولتهم منع جميع المشاركات المخالفة، فإنه ليس بوسعهم استعراض جميع المشاركات. وجميع المواضيع تعبر عن وجهة نظر كاتبها
ولا يتحمل أي من إدارة الأكاديمية الطبية السورية أي مسؤولية عن مضامين المشاركات
بالنقر على زر "موافق" أدناه، فإنك توافق على عدم نشر أي مشاركة تخالف قوانين المنتدى . إن مالكي الأكاديمية الطبية السورية لديهم حق حذف، أو مسح، أو تعديل، أو إغلاق أي موضوع لأي سبب يرونه، وليسوا ملزمين بإعلانه
عدم التدخل في خصوصية الأعضاء أو الإساءة إليهم
وتذكر قول الله تعالى ((ما يلفظ من قول إلا لديه رقيب عتيد))

إن أردت أن تصفي أحداً بالجبان فليكن ذلك... ولكن لن يكون المنتدى الذي أنشئ لأهداف علمية وتعليمية أن يخرج عن المسار الذي حدده له من تعب وسهر وشقي ليرى النور
ومن شاء أن يعبر عن رأيه فنحن نحترم الجميع ونحترم آراءهم ولكن في الموقع هذا نرحب بمن ينتقد نظام الجامعة ونقاط معينة فيه... نناقش هموم الطلاب "فنحن منهم"... نحاول وبجد تطوير الحركة التعليمية بالجامعة...
أما الحديث عن أشخاص بعينهم فهناك الكثير من مواقع الدردشة أو الأخبار أو الفضائح أو ماذا لا أعرف تسمح بهذا وتجعل منه هدفها الأساسي وفيها تجدين ضالتك!!

[Dr:MahmouD]

السلام عليكم

انا رفيقي طب بشري و جاب علاماتو من 3 ايام (طبعا لانو مدعوم على اساس)

يعني العلامات جاهزة بس يبدو انو ربط الكليات مع بعضا هو يلي عم أخر الاصدار

و الدكتور بلال(الله يقويه) ما عودنا انو يقصر . وأكيد العلامات مو بجيبتو و هو حاجزها

و بالنهاية العلامات رح تطلع إن عاجلا أم آجلا بس بدا صبر

الله يفرجها

[Mohammed]

اليوم رفيقي راح عالجامعة و قلولو انو مافي حدا من الموظفين ولا الدكاترة رح يداوم قبل يوم السبت!!!

[The Shadow Prince]

بعد الترحيب بالجميع .. لم أرد المشاركة.. ولكن قد تضطر أحيانا لأن تبوح عن الكلمات التي تنصف الاخرين .. كثير من زملائنا الذين يدونون مشاركاتهم لم يكونوا معنا في المنتدى في الأعوام الماضية .. ولم يعرفوا مدى اهتمام وحرص بلال على مدى الموقع .. والرقي به, و و و إلخ .. لكن اليوم نرى البعض يستهجن لتأخر صدور النتائج و يبدى كلمات لا تليق به لشخصه ولا للمنتدى .. فارجو أن نكون على قدر من الصبر و التروي( فكما يقال : كل تأخيرة فيها خيرا ) .. وأأكد لكم بأن بلال لن يتونى لحظة عن إظهار النتائج بالمنتدى لحظة صدورها , وانه يبذل قصارى جهده لذلك .. كما فعل ذلك سابقا .. فله مني الشكر .. ودعائي للجميع بالتوفيق والنجاح و التفوق..

[رزان]

انا بالنسبة الي سمعت انو النتائج جاهزة بس طلع في نسبة رسوب عالية في بعض الكليات عشان هيك عم بيرجعو يعملو كيرفات للتعديل ونظام الجامعة بيحكم تنزيل العلامات بنفس الفترة فالتأخير بعرض النتائج بيرجع للجامعة مو لجهود الدكتور بلال بعدين ياخبر اليوم بفلوس بكرا ببلاش

[mohamad450]

ستصدر النتائج يوم السبت الموافق13/2/2010وهو اول يوم دوام في الجامعة وبالتوفيق للجميع

الله يوفقكم

[Dr:MahmouD]

يا سيدي قبلانين بس انشالله يكون اكيييييد

[omar1jaguar]

السيد بلال أخبرنا أن هناك اجتماع سيتم اليوم الثلاثاء بهذا الخصوص، فأتمنى منه إعلامنا هل من الممكن أن تعلن النتائج قبل السبت

[ra3ealazal]

طيب عنجد ملينا ونحنا عمنستنا
[php][/phpدكتور بلال على السريع رجاءً

[MasteR of dentistry]

اعزائي الامر ليس بيد دكتور بلال ابدا هو طالب منا وفينا يعني كيف حيجيبها اذا اصلا الجامعه لسا ماعلنتها

شوي الصــبر وياربي الكل ناجحين .. كل التحيات لكادر مدى

[SnaKe]

السلام عليكم
يا شباب نتائج الصيدلة نزلت على هذا الموقع
http://www.ionsclub.com/col/Marks2009-2010.htm

مع تمنياتي للجميع بالنجاح وعقبال ما تنزل نتايج باقي الكليات

ـــتحياتيـــ

[رزان]

ممكن يا استاذsnake اذا في رابط لعلامات ادارة الاعمال ممكن تنزلو وبدي افهم كيف نززلو علامات الصيدلة وتركو باقي الكلايات

[عمر]

لقد صدرت نتائج كلية الصيدله اليوم على موقع الكليه الرسمي syrianpharmacy.com - syrianpharmacy.com (http://www.syrianpharmacy.com)

[Dr.Tariq]

السلام عليكم

أنا رحت عالجامعة يوم الاثنين 8 - شباط و ماكان في ولا موظف بالجامعة، و لما سألت السكيوريتي قالولي أنو رئيس الجامعة عاطي عطلة لكل الموظفين ليوم السبت ، بمعنى آخر ما في نتائج رح تنزل بالجامعة هيك ليوم السبت و مابعده ، هذا يعطي أنو حتى بالموقع ما رح ينزلوا إلا ليوم السبت و ما بعده. و شكرا

[MasteR of dentistry]

طيب كيف نزلت نتائج الصيدله ولسه نتائج الاسنان مطالعت ؟؟

[omar1jaguar]

لو سمحتو حدا بيعرف الموقع الرسمي لكلية الطب البشري في جامعتنا متل موقع كلية الصيدلة syrianpharmacy.com - syrianpharmacy.com (http://www.syrianpharmacy.com)

[SnaKe]

والله نتايج الصيدلة نزلت لان همتهم عالية وانشاء الله يجي الدور لباقي الكليات


مع تمنياتي بالتوفيق للجميع
ولا تستعجلو على النتايج لان السيد بلال مو مقصر بشي

سلام

[رزان]

تصميم الموقع الجديد رائع ومنتعوب عليه بس بالنتائج الامتحانية ناقص كلية وحدة وهي كلية هندسة البترول بالنسبة انو نتائج الصيدلة طلعت يمكن هن تعبو لحتى جابوة كيف ما بعرف على كل حال مبروك يلي نجحو ولي حملو مواد انشا الله يعوضوها ويا ريت يسعولنا على علامات الادارة والهندسات لانو ما في مو قع مختص لقسم الهندسات

[claude]

شي بجنن بلا وين العلامات؟؟؟؟؟؟؟؟؟؟

[MasteR of dentistry]

نتائج الاسنان غدا بأذن الله سمعت هيك ..

[Dr:MahmouD]

الله يجزيك الخير يا master of dentistry نيابة عن طلاب الاسنان
والله يبعتلنا شي master of medicine يريحنا من عناء الانتظاااااااااااااااااار

[saba7]

يا شبـآب .. اذكروآ اللــه .. النتـآئج بتطلـع اذا مو اليووم بكـره .. بس يبيلهـآ صبـر شووي .. كل تاخيرة فيهـأ خيره .. واللـه يجززاك بالخير يا دكتوور بلال .. ما قصررت واللــه .. دكتور محممود شو فيهـآ منافسـة على المركـز الاول بالكـليـة ولا ما فيهــ’ـآ ..؟ بيني وبينــك .. عقييــد .. ويـأ خت رزان خففي العيـآر شووي .. ششوف عينـي بتطلعين الاولـى على كليتــكٍ..
^_^

[samo]

السلام عليكم
بس انا حابب زيد شغله انه امبارح طلعت نتائج الصيدله كلها ولحد هلق لا الاسنان ولا البشري طلعت
مو لازم تطلع الكليات كلها مع بعض ولا شي قبل شي يعني
وشغله تانيه هلق لو طلعت النتائج رح تنزلها دكتور بلال ان شاء الله مو ؟؟؟

[dr_snow]

ممكن طب الاسنان؟

[رزان]

باركولي شبا ب وصبايا انا جبت علاماتي مع انو انا محملة ما دة وحدة بس المهم جبت علامتي ورتحت وبتمالكون النجاح والتوفيق والله طلع بها الجامعة اذا ماعندك فيامين وااااااااو ما بتجيب علاماتك غير بطلوع الروح

[MasteR of dentistry]

انت أي كليه وكيف جبتيون ؟؟

[dr_snow]

وين علاماااااااااااات طب الاسنان؟


؟

[mohamad450]

الف مبروك يا انسة رزان وعقبال التخرج