كل ميدترم وانتم بخير

[Dr.Ibrahim]

بسم الله الرحمن الرحيم

السلام عليكم ورحمة الله وبركانه

بهي المشاركة رح احكي عن يوميات الامتحان
وبتمنى من الكل يعني بيشاركو لنشوف نمط الاسئلة مستوى الاسئلة وووو

رح بلش

اليوم كان عنا تشريح(راس+عنق-عصبية)

الامتحان كان 23 سؤال كانوا بالشكل التالي:
5عن الشراييين
1 فقط عن الاعصاب
7 عن عظام الجمجمة
10 عصبية( للدكتور فواز اسعد)

الاسئلة سهلة كتير برايئ
ومستواها دون الوسط اذا ما قلنا ضعيف كمان

شفت الدكتور يوسف وسالته

قال:( انا اعطيت شي 4 او 5 صفحات للادارة
فاختارت الادارة صفحتين فقط ؟؟)

وكان شوي مزعوج

وانا مابعرف ليش هيك عملوا اختاروا صفحتين فقط ؟؟

يعني بدن الطلاب كلها تجيب علامات تامة

بتجيب الطلاب علامة تامة انا مابزعل

بس بيكون في اسئلة مستواها على الاقل فوق الوسط

بتمنى تشاركوا وتعطونا رايكم

وتحكولنا شو وصار معكن

و انشالله موفقين بكل الامتحانات وبتجيبوا علمة جيدة جدا (يعني 19 من :d20)

وشكرا السلام عليكم

[NMWH]

يعني بدن الطلاب كلها تجيب علامات تامة



:mad::eek: مستحيل أكيد سقط سهواً
.....ما علينا................

فكرة الموضوع حلوة يعني انا اليوم بالصدفة لفتحت الكمبيوتر ومو اكيد استمر

اليوم كان عنا باطنة: صدرية + هضمية...

أسئلة الهضمية متل ما توقعت يعني يلي داخل بجو المادة منيح بيجاوب برياحة...... وكمان "للأسف" يلي باصم منيح ......... مع ان الأسئلة لا تخلو من الثغرات وبرأيي هالثغرات اما بسيطة وانا عقدتها زيادة أو بتنم عن ان الدكتور بده يانا نناقشه بالحالات السريرية كانما نحنا مقيمين بالمشفى وجايتنا حالة عم ندرسها والخيارات امامنا مفتوحة وعم نتناقش مع شي بروفسور مشرف علينا:rolleyes:.........

اما الصدرية يلي حسيت بثقل ظلها ابتداء من اول محاضرة اخدناها بالفصل لآخر محاضرة لدراستي الها لدراسة الطلاب "لان قبل الامتحان ما شفت ابدا حدا عم يراجع هضمية... الكل صدرية!!!"
وبعدين بتجي الاسئلة سميكة وثقيلة دم وسمجة هو صحيح انو الدكتور مركز عليهم كتير بس انا لم ولا ولن ارضى ادرس سطر اي 3اسطر لا لأنو اذا هلق ما درستون ايمتا؟؟؟؟؟ وكمان بخاف من غدرات الدكاترة...قصدي الزمن^_^

الخلاصة مجموع الأسئلة "الشرحية" مع بعضها مع موقعي المتميز بنص القاعة وحبي للتامل وموقع القاعة جنب الدرج والمراقب الظرييييف "يلي كلكم بتعرفوه من كتر ما بيدقق وبيهيمن اثناء المراقبة بيصير مصدر ازعاج مع كل توجيه وملاحظة منه" والمشاكل التنظيمية والتاخير الشديد بفتح القاعات وتسليم الاوراق ووووو كنت للتو مخلصة اسئلة الهضمية لما قال الدكتور انتهى الوقت مع انه لسا في 10 دقائق وبصعوبة بالغة قدرت اخد 5 دقايق حليت شوي من اول سؤال من الصرية وحتى لو عطوني وقت كمان ما رح اكتب لأنو طارو المعلومات بعد كل هالصدمات
بحب اختم بانو نحنا علاماتنا بكل المواد من 30 والنهائي من70 ما في عنا لا سعي ولا عملي ولا من يحزنون:(

-النهاية-

ملاحظة: بما ان الحديث عن الامتحانات شو رايكم نعمل بنك اسئلة يعني كل واحد بيحتفظ بورقة اسئلته او بيتذكر مع رفقاته الاسئلة وبيسجلهم...... الشغلة سهلة كتير مو شرط يتذكر كل الاسئلة... كم نموذج بيمشي الحال
وما يقول الواحد طيب شو بستفيد من هالشي لانو متل ما هوه لح يفيد حدا اكيد الله لح يسخر له مين يفيده........................................

[Dr.Ibrahim]

بالنسبة لبنك الاسئلة


انا موافق ورح بلش نزل الاسئلة

وانشالله بنلاقي حدا بينزل النا اسئلة انسجة لانه الاربعاء عندي

وللدكتور سطلي (يعني اللي بيعرف من جامعة دمشق حدا)

[NMWH]

كان بودي ساعد بس اتأخرت بالطلب للأسف
حاولت عالسريع لقيت هالروابط يمممكنhttp://www.hakeem-sy.com/main/modules/quicktags/icon_redface.gif تفيد:http://www.hakeem-sy.com/main/modules/quicktags/icon_rolleyes.gif
http://www.hakeem-sy.com/main/node/27871 (http://www.hakeem-sy.com/main/node/27871)
http://www.hakeem-sy.com/main/node/27097 (http://www.hakeem-sy.com/main/node/27097)
http://www.hakeem-sy.com/main/node/24252 (http://www.hakeem-sy.com/main/node/24252)
http://www.hakeem-sy.com/main/node/6177 (http://www.hakeem-sy.com/main/node/6177)
http://www.hakeem-sy.com/main/book/export/html/1 (http://www.hakeem-sy.com/main/book/export/html/1)

[mohamad450]

والله انا برأي اسألة العصبية كانت صعبة يا حياتي لان في ناس مظلومين ما اخدوا تشريح عصبية غير في 3 الاسابيع الاخيرة واخذوه حشك لبك
والله بصدق ما فهمنا شيء غير القليل القليل